যুদ্ধত নিষিদ্ধ কৰা ' ভেকুৱাম বোমা'ৰে আক্ৰমণ ইউক্ৰেইনক-ধ্বংসস্তুপলৈ পৰিণত দেশখনৰ অট্টালিকা

ডিজিটেল ডেস্ক : ৰাছিয়া-ইউক্ৰেইনৰ সংঘাটৰ মাজতেই ইউক্ৰেইনৰ ৰাষ্ট্ৰদূতৰ এক মন্তব্যই চিন্তিত কৰিছে দেশখনৰ বাসিন্দাক৷ ইউক্ৰেইনৰ ৰাষ্ট্ৰদূত ওকছানা মাৰ্কাৰোভে এক আচৰিত মন্তব্য কৰিছে। তেওঁ কয় যে যুদ্ধৰ পঞ্চম দিনা ৰাছিয়াই ইউক্ৰেইনৰ বিৰুদ্ধে নিষিদ্ধ থাৰ্মোবেৰিক অস্ত্ৰ ব্যৱহাৰ কৰা হয়। যাৰফলত ধ্বংসস্তুপলৈ পৰিণত হৈছে ইউক্ৰেইনৰ কিছু অংশ৷ লগতে তেওঁ কয় যে, ৰাছিয়াই সোমবাৰে ভেকুৱাম বোমা ব্যৱহাৰ কৰে, যিটো জেনেভা সন্মিলনৰ অধীনত নিষিদ্ধ বুলি ঘোষণা কৰা হৈছিল । থাৰ্মোবেৰিক অস্ত্ৰই পৰম্পৰাগত গোলাবাৰুদ ব্যৱহাৰ নকৰে। এই অস্ত্ৰত উচ্চ চাপৰ বিস্ফোৰক পদাৰ্থৰে ভৰি থাকে। এই শক্তিশালী বিস্ফোৰণবোৰ ইমান শক্তিশালী যে, ই চাৰিওফালৰ পৰিৱেশৰ পৰা অক্সিজেন শোষণ কৰিব পাৰে। প্ৰতিবেদন অনুসৰি, থাৰ্মোবেৰিক বোমাবোৰ বিশ্বৰ আটাইতকৈ মাৰাত্মক পাৰমাণৱিক অস্ত্ৰসমূহৰ ভিতৰত অন্যতম বুলি গণ্য কৰা হয়। ইয়াক ২০০৭ চনত ৰাছিয়াৰ দ্বাৰা নিৰ্মান কৰা হৈছিল। ৭১০০ কিলোগ্ৰাম ওজনৰ এই বোমাটো ব্যৱহাৰ কৰাৰ হয় কেৱল পথত থকা অট্টালিকা ধ্বংস কৰাৰ বাবে আৰু মানুহক হত্যা কৰাৰ বাবে। ইয়াক এৰোচ'ল বোমা বুলিও কোৱা হয়। পোৰ্টচমাউথ বিশ্ববিদ্যালয়ৰ পিটাৰ লীয়ে কৈছিল যে ৰাছিয়াই ২০১৬ চনত চিৰিয়াত ভেকুৱাম বোমা ব্যৱহাৰ কৰিছিল। এইটো এটা অতি বিপদজনক বোমা। ই ৪৪ টন টিএনটি শক্তিৰে এটা বিস্ফোৰণ কৰিব পাৰে। এই ভেকুৱাম বোমাৰ আন এটা বিশেষত্ব হ'ল যে ই অক্সিজেন শোষণ কৰি এটা ডাঙৰ বিস্ফোৰণ ঘটাব পাৰে। এনে বিস্ফোৰণৰ ফলত, নিমিষতে জ্বলি চাই হৈ যায় সকলো। সেয়েহে, ইয়াক আন অস্ত্ৰতকৈ অধিক শক্তিশালী বুলি গণ্য কৰা হয়।