গুৱাহাটী : ভাৰতীয় নিৰ্বাচন আয়োগে মঙলবাৰে ঘোষণা কৰিছে উপ-নিৰ্বাচনৰ দিন৷ বিভিন্ন কাৰণত খালী হৈ থকা আসনসমূহৰ বাবে অহা ৩০ অক্টোবৰত অসমত হ’ব উপ-নিৰ্বাচন৷ অসম বিধানসভাৰ মুঠ ৫টা সমষ্টিত অনুষ্ঠিত হ’ব উপ-নিৰ্বাচন৷ ৰাজ্যত মনোনয়ন দাখিলৰ অন্তিম দিন ৮ অক্টোবৰ আৰু মনোনয়ন প্ৰত্যাহাৰৰ অন্তিম দিন ১৩ অক্টোবৰ৷
নিৰ্বাচন আয়োগে ঘোষণা কৰা সূচী অনুসৰি ২ নৱেম্বৰত হ’ব ভোটগণনা৷ ৰাজ্যৰ গোঁসাইগাঁও, ভৱানীপুৰ, তামুলপুৰ, মৰিয়নী আৰু থাওৰা সমষ্টিত হ’ব উপ-নিৰ্বাচন৷
উল্লেখ্য যে মাজুলী সমষ্টিৰ বিধায়ক পদৰ পৰা এই পৰ্যন্ত সৰ্বানন্দ সোণোৱালে পদত্যাগ কৰা নাই। সেয়েহে মাজুলীত উপ-নিৰ্বাচনৰ দিন ঘোষণা হোৱা নাই।
Continue Reading
