আফগানিস্তানত ছিয়া মুছলমানৰ নিধনযজ্ঞ চলাইছে তালিবানে, ৬০ জনক হত্যা

ডিজিটেল ডেস্কঃ আফগানিস্তানত এইবাৰ তালিবান সন্ত্ৰাসবাদীয়ে দেশখনত বাস কৰা সংখ্যালঘু ছিয়া মুছলমান লোকৰ নিধনযজ্ঞ আৰম্ভ কৰিছে। প্ৰায় ৩ লাখ ৬০ হাজাৰ জনসংখ্যাৰ দেশ আফগানিস্তানৰ ৯ শতাংশ লোক ছিয়া মুছলমান সম্প্ৰদায়ৰ। বিগত কিছুদিন ধৰি সংখ্যালঘু ছিয়া মুছলমান লোকৰ ওপৰত অত্যাচাৰ চলাই আছে তালিবানীয়ে। ছিয়া মুছলমান লোকক ঘৰৰ পৰা খেদি খেদি বাহিৰ কৰি দিছে তালিবানীয়ে। কেৱল তাতে ক্ষান্ত নাথাকি ছিয়াসকলৰ মাটি আৰু ঘৰ তালিবান সন্ত্ৰাসবাদীয়ে তালিবান সমৰ্থকৰ মাজত বিলাই দিছে।

মুছলমানসকলৰ মাজত ছিয়া আৰু ছুন্নী মতবাদকলৈ তাহানিৰে পৰা সংঘাত চলি আহিছে। তালিবান সন্ত্ৰাসবাদীয়ে শেহতীয়াকৈ ছিয়া সম্প্ৰদায়ৰ এগৰাকী কিশোৰীসহ ১৩ গৰাকী লোকক হত্যা কৰিছে। ৮ অক্টোবৰত ছিয়া লোকৰ মছজিদত তালিবানে আক্ৰমণ চলাই ৪৭ জন লোকক হত্যা কৰিছে। তালিবানৰ বৰ্বৰতাৰ বলি হৈ এতিয়ালৈকে ৬০ জন ছিয়া লোকে হেৰুৱাইছে প্ৰাণ। এনে ভয়ংকৰ পৰিস্থিতিত আফগানিস্তানত বাস কৰা ছিয়া সম্প্ৰদায়ৰ লোকসকলে ক'ত যাও কি কৰোকে দিকবিদিক হেৰুৱাইছে।