আপুনি 'অমৰ' হ'ব বিচাৰে নেকি? যদি বিচাৰে তেন্তে খৰচ কৰিব লাগিব ইমান টকা!

ডিজিটেল ডেস্কঃ 'Man is mortal' বা 'মানুহ মৰণশীল' এই কথা আমি সকলোৱে জানো। ইচ্ছা নাথাকিলেও আমি এদিন নহয় এদিন এৰি যাবই লাগিব এই ৰঙীন পৃথিৱী..এয়াই সত্য। মানৱ জাতিত এনে বহু লোক আছে যিয়ে চিৰকাল জীয়াই থাকিব বিচাৰে বা অমৰ হৈ থকাৰ অসম্ভৱ উচ্চাকাংক্ষা পুহি ৰাখে। এই অসম্ভৱক এইবাৰ সম্ভৱ কৰিবলৈ আগবাঢ়িছে এটা কোম্পানী।এই কোম্পানীয়ে দাবী কৰিছে যে মানুহে এতিয়া যিমান দিনলৈকে মন যায় সিমান দিনলৈকে জীয়াই থাকিব পাৰিব।

ডেইলী ষ্টাৰৰ প্ৰতিবেদন অনুসৰি, স্কটছডেল এৰিজোনাস্থিত প্ৰতিষ্ঠান 'এলকৰ ক্ৰয়নিক্স'-এ দাবী কৰিছে যে মৃত্যুৰ পিছত এক বিশেষ ফ্ৰীজত ৰখাৰ পাছত মৃত শৰীৰটো পুনৰুজ্জীৱিত কৰিব পৰা যাব। কোম্পানীৰ দাবী অনুসৰি, মৃত্যুৰ পাছত মৃতদেহ আৰু মগজুক তৰল নাইট্ৰ'জেনলৈ পুনৰুজ্জীৱিত কৰা আৰু সেইবোৰ সম্পূৰ্ণ শৰীৰত ৰখাৰ সূত্ৰ আৱিষ্কাৰ কৰা হৈছে। কোম্পানীটোৱে দাবী কৰিছে যে এই প্ৰযুক্তিৰ জৰিয়তে ভৱিষ্যতে মৃত্যুৰ পিছত মানুহক পুনৰ জীৱিত কৰাৰ ক্ষমতা থাকিব আৰু যাৰ অমৰ হৈ থকাৰ ইচ্ছা তেওঁ অমৰ হৈ থাকিব পাৰিব।

আৰু পঢ়কঃ ৰাষ্ট্রীয় চলচ্চিত্ৰ বঁটাঃ পৰিৱেশ বিষয়ক শ্ৰেষ্ঠ ছবিৰ বঁটা অৰ্জন ডঃ সঞ্জীৱ নাৰায়ণ নিবেদিত ‘Water Burial’ৰ

আলকোৰ ফাৰ্মৰ মতে, মৃত শৰীৰটো সম্পূৰ্ণ সুৰক্ষাৰ অধীনত ৰখাৰ ব্যয় হ'ব ২০০,০০০ ডলাৰ বা ১,৪৯,৯৯,৯০০ টকা। নিউৰো-ৰোগীসকলৰ বাবে, ব্যয় হ'ব $80,000 বা ৫৯,৯৯,৯৬০ টকা, য'ত তেওঁলোকে এই প্ৰযুক্তিৰ জৰিয়তে তেওঁলোকৰ মগজু সংৰক্ষণ কৰিব পাৰিব। কোম্পানীটোৰ ব্ৰিটিছ মুখ্য কাৰ্যবাহী বিষয়া মেক্স মোৰৰ মতে, এই প্ৰক্ৰিয়াটো প্ৰকৃততে বহুতৰ বাবে যথেষ্ট ব্যয়বহুল হ'ব।