আজি চন্দ্ৰগ্ৰহণ;ভুলতো নকৰিব এই কাম,জীৱনত হ'ব পাৰে অমংগল

ডিজিটেল ডেস্কঃ আজি ১৯ নৱেম্বৰ। আজিৰ দিনটোত দেখা যাব শতিকাৰ দীৰ্ঘতম চন্দ্ৰগ্ৰহণ। এক বিৰল মহাজাগতিক পৰিঘটনাৰ সাক্ষী হ’ব পৃথিৱীবাসী।এই চন্দ্ৰগ্ৰহণ ৩ঘন্টা ২৮ মিনিট ২৩ ছেকেণ্ড ধৰি থাকিব। ২০০১ৰ পৰা ২১০০ লৈকে এই শতিকাৰ এইটোৱে হ’ব দীৰ্ঘতম চন্দ্ৰগ্ৰহণ। ৫৮০ বছৰৰ পাছত আজি দেখা যাব এই বিৰল চন্দ্ৰগ্ৰহণ। সময় অনুসৰি, দিনৰ ১২ বাজি ৪৮ মিনিটৰ পৰা এই আংশিক চন্দ্ৰগ্ৰহণ আৰম্ভ হ’ব আৰু বিয়লি ৪বাজি ১৭ মিনিটত ইয়াৰ সমাপ্তি ঘটিব। মুঠ ৩ঘন্টা ২৮ মিনিট ২৪ছেকেণ্ড ধৰি চলিব এই চন্দ্ৰগ্ৰহণ। জ্যোতিষ শাস্ত্ৰত চন্দ্ৰগ্ৰহণৰ সময়ছোৱাত কি কি কৰিব আৰু কি কি নকৰিব তাৰবিষয়ে উল্লেখ আছে। সেই নিয়মসমূহ মানি চলিলে নিজৰ জীৱনৰ বাবে মংগল বুলি বিশ্বাস কৰা হয়।

কি কি কৰিব-

১. গ্ৰহণৰ সময়ত অগ্নি দেৱতাক স্মৰণ কৰক আৰু ঈশ্বৰৰ ওপৰত ধ্যান কৰক। 
২. গ্ৰহণৰ সময়ত গুৰু মন্ত্ৰ জপ কৰক বা মহামৃত্যঞ্জয় মন্ত্ৰ জপ কৰক। 
৩. গ্ৰহণৰ সময়ত গৰু বা অন্য জন্তু আৰু চৰাইবোৰক খাদ্য খুৱাওক। 
৪. এই সময়ছোৱাত দৰিদ্ৰ লোকসকলক দান কৰাটোও শুভ বুলি গণ্য কৰা হয়। 

আৰু পঢ়কঃ ‘আনখন গাল আগবঢ়াই দিবলৈ সাহস লাগে‘; কংগনাক উভতি ধৰিলে মহাত্মা গান্ধীৰ নাতিয়ে

কি কি নকৰিব-

১.চন্দ্ৰগ্ৰহণৰ সময়ত চুলিত তেল নাসানিব।
২.এই সময়ত খাদ্য গ্ৰহণ কৰাটো নিষিদ্ধ। 
৩.চন্দ্ৰগ্ৰহণৰ সময়ত টোপনি নাযাব। 
৪.এই সময়ছোৱাত পাত আৰু ফুল ছিঙিব নালাগে। 
৫.চন্দ্ৰগ্ৰহণৰ সময়ত কোনো শুভ কাম নকৰিব। 
৬.এই সময়ছোৱাত কোনো মূৰ্তি স্পৰ্শ নকৰিব।