বনভোজৰ বতৰ: পিছে প্ৰবেশদ্বাৰৰ মাচুলে বিপাঙত পেলাইছে একাংশক

ডিজিটেল ডেস্ক : আজি বৰ্ষটোৰ শেষৰটো দেওবাৰ৷ এই দিনটোত ৰাজ্যজুৰি চলিছে বনভোজৰ আয়োজন৷ আপোনাৰো মন আছে নেকি বনভোজ খাবলৈ৷ কাজিৰঙা ৰাষ্ট্ৰীয় উদ্যান আৰু টাইগাৰ ৰিজাৰ্ভৰ অন্তৰ্গত বনভোজ স্থলীত বনভোজ খাই আনন্দ উৎসৱ কৰাৰ মন আছে নেকি আপোনাৰ ?

পিছে এই ঠাইলৈ অহাৰ আগত আপুনি হ'ব লাগিব সাৱধান৷ কাৰণ অহা পথতেই আপোনাৰ যাত্ৰাক নাকী লগাৱলৈ ৰখি আছে একাংশ৷ বজাৰ সমাৰৰ লগতে মোটা মূল্যৰ নগদ ধন লৈ আহিলেহে আপুনি পাৰ কৰিব পাৰিব প্ৰবেশদ্বাৰ৷ নহ'লে বন বিভাগে লগোৱা গেটৰ সন্মুখতে আপোনাৰ পিকনিক খোৱাৰ আনন্দও শেষ হ'ব ।

আজি বছৰটোৰ শেষৰটো দেওবাৰ । উখল মাখল হৈ আছে ৰাজ্যৰ বনভোজস্থলীসমূহ । পিছে কাজিৰঙা ৰাষ্ট্ৰীয় উদ্যান আৰু টাইগাৰ ৰিজাৰ্ভত বনভোজ খাবলৈ অহা দলৰ মাজত আনন্দৰ পৰিবৰ্তে দেখা দিছে অসন্তুষ্টি । কলিয়াভোমোৰা দলঙৰ তলত চুলুং বালিচৰত বনভোজকাৰী দলৰ পৰা উদ্যান কৰ্তৃপক্ষই সংগ্ৰহ কৰিছে প্ৰৱেশ মাচুল । ডাঙৰৰ বাবে পঞ্চাশ টকা সৰুৰ বাবে পঁচিছ টকা মাচুল নিধাৰণ কৰিছে উদ্যান কৰ্তৃপক্ষই । এই লৈ তীব্ৰ অসন্তুষ্টি ব্যক্ত কৰিছে বনভোজকাৰী দলে । উদ্যান কৰ্তৃপক্ষই লগোৱা প্ৰৱেশদ্বাৰতেই সন্মুখতে শেষ হয় বনভোজৰ আনন্দ ।