ডি়জিটেল ডেস্কঃ বিগত কিছুদিন ধৰি ফেচবুকৰ নাম সলনি হ'ব বুলি চৰ্চা হৈ আছে। বিশ্বৰ আটাইতকৈ জনপ্ৰিয় ছ’চিয়েল মিডিয়া প্লেটফৰ্ম হিচাপে পৰিচিত ফেচবুকৰ নাম সঁচাকৈয়ে সলোৱা হ’ল। ফেচবুকৰ নাম সলনি কৰি নতুন নাম ৰখা হৈছে ‘Meta’. ফেচবুকৰ প্ৰতিষ্ঠাতা মাৰ্ক জুকাৰবাৰ্গে নিজেই এই কথা জনাইছে আৰু এই নাম কিয় সলোৱা হ’ল তাৰ কাৰণো জুকাৰবাৰ্গে সদৰী কৰিছে।
২০০৪চনৰ ৪ ফেব্ৰুৱাৰীত ফেচবুকৰ জন্ম হৈছিল। তাৰ পাছত মাৰ্ক জুকাৰবাৰ্গৰ অদমনীয় প্ৰচেষ্টা আৰু সবল নেতৃত্বত ফেচবুকে ক্ৰমশ ইয়াৰ শাখা-প্ৰশাখাসমূহ বিস্তাৰ কৰিছে।আগন্তুক দিনত নতুন যাত্ৰাৰ বাবেই এই সিদ্ধান্ত লোৱা বুলি জুকাৰবাৰ্গে জানিবলৈ দিয়ে। মাৰ্ক জুকাৰবাৰ্গে কয় যে গ্ৰীক শব্দ ‘বিয়ণ্ড’ (অন্তহীন)ৰ পৰাই আহিছে ‘মেটা’ শব্দটো।
আৰু পঢ়কঃ পুনৰ অসুস্থ জুবিন গাৰ্গ,চিকিৎসালয়ত ভৰ্তি
এই শব্দটো নিৰ্বাচন কৰাৰ কাৰণ হৈছে আৰু বহুতো কিবা সৃষ্টি কৰিবলৈ বাকী। আমাৰ সৃষ্টি অন্তহীন হ’ব, সেয়েহে এই নাম ৰখাটো সঠিক হব বুলি সিদ্ধান্ত ল’লো। আমাৰ যাত্ৰাৰ বহু নতুন পথ বাকী-এই ধাৰণাৰ পৰাই ‘Meta’ নাম ৰখা হ’ল ফেচবুকৰ।
Continue Reading
