ক্লাছত মোবাইল ফোন ব্যৱহাৰ নকৰিবলৈ কোৱাত শিক্ষকক গুৰুলা-গুৰুলকৈ প্ৰহাৰ ছাত্ৰৰ

ডিজিটেল ডেস্কঃ ক'ৰোনাৰ সংহাৰী ৰূপ চলি থকাৰ সময়ত শিক্ষাৰ্থীসকলৰ অনলাইন ক্লাছ চলি আছিল। পৰিস্থিতি ক্ৰমাৎ সুস্থিৰ হোৱাৰ পাছত অফলাইন ক্লাছ আৰম্ভ হৈছে। বিদ্যালয় আৰু মহাবিদ্যালয়সমূহ খোলা হৈছে, কিন্তু অনলাইন ক্লাছৰ সময়ত মোবাইল ফোন ব্যৱহাৰ কৰোতে যেন শিক্ষাৰ্থীসকলৰ মাজত বৃদ্ধি পালে মোবাইল আসক্তি। উত্তৰ প্ৰদেশৰ গোৰখপুৰত সংঘটিত হৈছে সভ্য সমাজক লজ্জানত কৰা এক নিকৃষ্ট ঘটনা।

ক্লাছত মোবাইল ফোন ব্যৱহাৰ নকৰিবলৈ শিক্ষকে কোৱাত এজন ছাত্ৰই শিক্ষকজনক গুৰুলাগুৰুলকৈ প্ৰহাৰ কৰে। নৱম শ্ৰেণীৰ ছাত্ৰজনক শিক্ষকজনে ক্লাছত মোবাইল ফোন ব্যৱহাৰ নকৰিবলৈ সকীয়নি দিছিল। উদণ্ড ছাত্ৰজনে শিক্ষকজন ঘৰলৈ উভতাৰ পথত তেওঁক নিৰ্মমভাবে প্ৰহাৰ কৰে। অভিযুক্ত ছাত্ৰজনে তেওঁৰ দুজন মুখাপিন্ধা সহযোগীৰ সৈতে শিক্ষকজনক আক্ৰমণ কৰে। ঘটনাটো গোৰখপুৰৰ জুবিলি ইণ্টাৰ কলেজৰ সন্মুখত সংঘটিত হৈছিল।

আৰু পঢ়কঃ ফেচবুকৰ নাম সলনি! মাৰ্ক জুকাৰবাৰ্গে ফেচবুকৰ নতুন নাম দিলে ‘Meta’

আৰক্ষীয়ে ভুক্তভোগী শিক্ষকজনৰ এজাহাৰৰ ভিত্তিত তিনিও আক্ৰমণকাৰীৰ বিৰুদ্ধে গোচৰ ৰুজু কৰিছে। গোৰখপুৰৰ আৰক্ষী বিষয়া কল্যাণ সিং সাগৰে কয় যে সমগ্ৰ ঘটনাটো চিচিটিভি কেমেৰাত বন্দী হৈছে। মূল অভিযুক্ত ছাত্ৰজনক গ্ৰেপ্তাৰ কৰা হৈছে আৰু আন দুজন মুখা পিন্ধা অভিযুক্তক চিনাক্ত কৰাৰ চেষ্টা চলি আছে।ছাত্ৰজনক ইতিমধ্যে বহিষ্কাৰ কৰিছে বিদ্যালয়ৰ কৰ্তৃপক্ষই।