কলতকৈ বেছি উপকাৰী গুণেৰে সমৃদ্ধ কলফুল...ইয়াৰ উপকাৰিতাসমূহ জানো আহক

ডিজিটেল ডেস্ক : আপুনি জানেনে স্বাস্থ্যৰ বাবে কলতকৈ বেছি উপকাৰী গুণেৰে সমৃদ্ধ কলফুল। দৰাচলতে কলফুলত যথেষ্ট পৰিমাণৰ প্ৰটিন, ফাইবাৰ, ভিটামিন-এ, চি, ফছফৰাছ, পটাছিয়াম পোৱা যায়। ইয়াৰ উপকাৰিতাসমূহ জানো আহক।

১. কলফুলে ডায়েবেটিছ নিয়ন্ত্ৰণত সহায় কৰে। ই শৰীৰত গ্লুক’জৰ মাত্ৰা হ্ৰাস কৰি তেজত ছুগাৰৰ মাত্ৰা নিয়ন্ত্ৰণ ৰখাত সহায় কৰে।

২. বৃক্ক ৰোগীৰ বাবেও কলফুল অতি উপকাৰী। ইয়াৰ নেফ্ৰ’প্ৰটেক্টিভ এক্টিভিটি আছে যিয়ে বৃক্কক সুস্থ কৰি ৰখাত সহায় কৰে। ইয়াৰ বাহিৰেও ইয়াত থকা গুণৰ বাবে বৃক্কৰ পাথৰৰ সমস্যা নিৰাময় কৰিব পাৰে।

৩. কলফুলে ওজন হ্ৰাস কৰাত সহায় কৰিব পাৰে। কাৰণ ইয়াত থকা আঁহে অধিক সময়লৈ ভোক অনুভৱ নকৰে। ফলত ওজন হ্ৰাস কৰাত সহায় কৰে।

৪. কলফুলৰ দ্বাৰাও উচ্চ ৰক্তচাপ নিয়ন্ত্ৰণ কৰিব পাৰি।কলফুলে এন্টি হাইপাৰটেনচিভ এজেণ্টৰ দৰে কাম কৰে যিয়ে উচ্চ ৰক্তচাপ নিয়ন্ত্ৰণ কৰিব পাৰে।

৫. পিৰিয়ডৰ সময়ত হোৱা বিষত কলফুল সেৱনে পেটৰ ক্ৰেম্প কম হোৱাত সহায় কৰে। কলফুলত প্ৰজেষ্টেৰন হৰম’ন নিয়ন্ত্ৰণ কৰি ৰক্তক্ষৰণৰ সময়ত হোৱা বিষ কমোৱাত সহায়ক হয়।

৬. কলফুলৰ দ্বাৰাও হৃদযন্ত্ৰ সুস্থ কৰি ৰাখিব পাৰি।কলফুলৰ কাৰ্ডিঅ' প্ৰটেকটিভ ইফেক্ট আছে। ইয়াৰ উপৰি ই বি পি নিয়ন্ত্ৰণত ৰাখে, গতিকে সামগ্ৰিকভাৱে ই হৃদযন্ত্ৰৰ বাবে উপকাৰী।

৭. কলফুলত থকা গেলেক্টাগগ মৌলৰ দ্বাৰা দুগ্ধপান প্ৰসাৰিত হ’ব পাৰে। ইয়াৰ বাবেই মাতৃদুগ্ধ গঠন হ’বলৈ আৰম্ভ কৰে আৰু দুগ্ধপান কৰা মাতৃসকলে শিশুক সঠিকভাৱে স্তনপান কৰাব পাৰে।