মেঘালয়ৰ মুকুলেও এৰিলে ...

ডিজিটেল ডেস্ক : বিৰোধী ৰাজনেতিক দল কংগ্ৰেছ দলৰ খহনীয়াই এতিয়া চিন্তাত পেলাইছে দলটোৰ অস্তিত্বত৷ এজনৰ পাছত আনজনকৈ নেতাই দলত্যাগক লৈ ইতিমধ্যে এক প্ৰত্যাহ্বানস্বৰূপ হৈ পৰিছে৷ বিশেষকৈ উত্তৰ পূৰ্বাঞ্চলত বিজেপি বিৰোধী শক্তি হিচাপে ঠন ধৰি উঠিছে তৃণমূল কংগ্ৰেছহে৷ অসম তথা ত্ৰিপুৰাত ইতিমধ্যে কংগ্ৰেছ দলৰ পৰা বহুকেইজন বিধায়কে পদত্যাগ কৰি তৃণমূলত যোগদান কৰিছে৷ ইয়াৰ পাছতে এইবাৰ মেঘালয়ত কংগ্ৰেছ দলৰ বাবে এক মােক্ষম আঘাত।

প্ৰাক্তন মুখ্যমন্ত্ৰী মুকুল চাংমাসহ ১২ জন কংগ্ৰেছ বিধায়কৰ কংগ্ৰেছ দল ত্যাগ কৰি তৃণমূল কংগ্ৰেছত যােগদান কৰে আটাইকেইজনে। অৱশ্যে এতিয়াও আনুষ্ঠানিকাভাৱে এই তথ্য সদৰী কৰা নাই প্ৰাক্তন মুখ্যমন্ত্ৰী মুকুল চাংমাসহ এইসকল বিধায়কে। উল্লেখ্য যে মেঘালয়ত বিধানসভাত কংগ্ৰেছৰ মুঠ ১৭ জন বিধায়ক আছিল যদিও এই সংখ্যা এতিয়া ৫ জনলৈ হ্ৰাস পালে।

জানিব পৰা মতে, বৃহস্পতিবাৰে এখন সংবাদমেলৰ জৰিয়তে এই কথা আনুষ্ঠানিকভাৱে প্ৰকাশ কৰিব কংগ্ৰেছ ত্যাগী বিধায়কে। উল্লেখ্য যে মেঘালয় বিধানসভাত কংগ্ৰেছৰ বিধায়িনী দলৰ মুকুল চাংমাই আন এঘাৰজন বিধায়কৰ সৈতে বুধবাৰে সন্ধিয়া মেঘালয় বিধানসভাৰ অধ্যক্ষ মেটবাহ লিংডোলৈ তেওঁলোকৰ পদত্যাগ পত্ৰ দাখিল কৰে। ১২ জন বিধায়কৰ ভিতৰত আছে গাৰো পাহাৰৰ আঠজন আৰু খাচী-জয়ন্তিয়া পাহাৰৰ চাৰিজন বিধায়ক।