ডিগবৈৰ আদৰ্শ খেতিয়ক ধনীৰাম চেতিয়াক আক্ৰমণ দুষ্কৃতিকাৰীৰ; হাস্পতালত ভৰ্তি

ডিজিটেল ডেস্ক: ডিগবৈ পেঙেৰীৰ আদৰ্শ খেতিয়ক ধনীৰাম চেতিয়াক আক্ৰমণ। সমগ্ৰ অসমতে আদৰ্শ খেতিয়ক ৰূপে পৰিচিত ধনীৰাম চেতিয়া। দুষ্কৃতিকাৰীৰ আক্ৰমণৰ বলি হৈ বৰ্তমান তেওঁ চিকিৎসালয়ত চিকিৎসাধীন হৈ আছে। 

পেঙেৰীৰ ব্ৰহ্মাজান অঞ্চলত সংঘটিত চাঞ্চল্যকৰ ঘটনা। দুষ্কৃতিকাৰী অপকৰ্মক বাধা দিবলৈ চেষ্টা কৰোঁতেই আক্ৰমণৰ বলি হ’ল ধনীৰাম চেতিয়া।

জানিব পৰা মতে, যোৱা নিশা পেঙেৰীৰ ব্ৰহ্মাজানস্থিত জে এন বৰুৱাৰ চাহ বাগিচাত সংঘটিত এক অপকৰ্মৰ সময়ত ধনীৰাম চেতিয়াই ঘটনাস্থলীত উপস্থিত হৈ দুষ্কৃতিকাৰীক বুজাবলৈ চেষ্টা কৰোঁতেই আক্ৰমণৰ সন্মুখীন হয়।

সেই সময়তে পাছফালৰ পৰা অহা এগৰাকী ব্যক্তিয়ে ধনীৰাম চেতিয়াক চোকা অস্ত্ৰৰে আক্ৰমণ কৰে। আক্ৰমণত গুৰুতৰভাৱে আহত হয় ধনীৰাম চেতিয়া।

সম্প্ৰতি চাবুৱাৰ ছেণ্ট লুকছ্ হাস্পতালত চিকিৎসাধীন হৈ আছে ধনীৰাম চেতিয়া। সমগ্ৰ ঘটনাই অঞ্চলটোত তীব্ৰ প্ৰতিক্ৰিয়াৰ সৃষ্টি কৰিছে।

উল্লেখ্য যে, সমাজৰ অপকৰ্ম আৰু দুষ্কৃতিকাৰীৰ বিৰুদ্ধে সাহসেৰে মাত মাতি অহা ধনীৰাম চেতিয়াৰ ওপৰত আক্ৰমণৰ ঘটনাই সচেতন মহলত উদ্বেগ সৃষ্টি কৰিছে।

এই ঘটনাৰ উচিত তদন্ত কৰি আক্ৰমণৰ সৈতে জড়িত সকলো ব্যক্তিক চিনাক্ত কৰি আইন অনুসৰি কঠোৰ ব্যৱস্থা গ্ৰহণ কৰিবলৈ তিনিচুকীয়া আৰক্ষী প্ৰশাসনলৈ আহ্বান জনাইছে সচেতন মহলে।