ডিজিটেল ডেস্কঃ নাগালেণ্ডত ভয়ংকৰ অঘটন। নাগালেণ্ডৰ মন জিলাত শনিবাৰে সন্ধিয়া সংঘটিত হৈছে এক ভয়ংকৰ গুলীচালনাৰ ঘটনা। এই ঘটনাত ৬জন লোক নিহত হোৱাৰ লগতে ২জন লোক গুৰুতৰভাৱে আহত হোৱাৰ খৱৰ পোৱা গৈছে। নাগালেণ্ডৰ মন জিলাৰ টিৰু গাঁৱৰ সমীপৰ কোনো এক স্থানত এই ঘটনা সংঘটিত হৈছে।
টিৰু গাঁৱৰ পৰা শ্ৰমিকৰ এটা দল পিক আপ বাহনত আহি থকা সময়তে এই ঘটনা সংঘটিত হৈছে। কোনো অচিনাক্ত দুৰ্বৃত্তই বাহনখনলৈ নিৰ্বিচাৰে গুলীচালনা কৰে। ফলত এইদৰে ৬জনকৈ লোকে প্ৰাণ হেৰুৱাৰ লগতে ২জন আহত হয়।
আৰক্ষীয়ে ইতিমধ্যে এই ঘটনাৰ তদন্ত আৰম্ভ কৰিছে আৰু দুৰ্বৃত্তক কৰায়ত্ত কৰিবলৈ তীব্ৰ অভিযান অব্যাহত ৰাখিছে। এই ঘটনাৰ পাছতে সমগ্ৰ অঞ্চলটোত আতংকই বিৰাজ লগতে তীব্ৰ চাঞ্চল্য অব্যাহত আছে।
Continue Reading
