নাহৰকটীয়া নামচাঙত হাতীৰ আক্ৰমণত পিতৃ-কন্যাৰ কৰুণ মৃত্যু

ডিজিটেল ডেস্ক: জয়পুৰৰ নামচাং চাহ বাগিছাৰ পূবেৰুণবস্তিত বন্যহস্তীৰ আক্ৰমণত একেটা পৰিয়ালৰ দুজনৰ মৃত্যু৷ প্ৰাপ্ত খবৰ অনুসৰি মাজনিশা ১২ বজাত ৰমেন তাঁতীৰ বাসগৃহটো বন্যহস্তীয়ে ভাঙি দিয়ে আৰু প্ৰাণৰ মমতা লৈ ৰমেন তাঁতী পলাব লওঁতেই হাতীৰ আক্ৰমণত তেওঁৰ লগত সাতবছৰীয়া কন্যা ৰশ্মি তাঁতী মৃত্যু হয়। সৌভাগ্যক্ৰমে তেওঁৰ পত্নী আৰু অন্য এগৰাকী কন্যাৰ প্ৰাণৰক্ষা পৰে। 

স্থানীয় লোকে হাতীৰ উপদ্ৰৱ প্ৰত্যক্ষ কৰি দুশ মিটাৰ আঁতৰত থকা বন কেম্পত যোগাযোগ কৰে যদিও বন বিভাগে কোনো ব্যৱস্থা গ্ৰহণ নকৰাত ৰাইজে ক্ষোভ প্ৰকাশ কৰে। ইফালে ৰাইজে অভিযোগ উত্থাপন কৰে যে বন্যহস্তীৰ পৰা ৰক্ষা পাবলৈ ইলেক্ট্ৰনিক বেৰা ব্যৱস্থা কৰা হৈছিল যদিও বন বিভাগৰ চূড়ান্ত অকৰ্মণ্যতাৰ বাবে সেই বেৰা ফুটুকাৰ ফেনলৈ পৰিৱৰ্তিত হৈছে। 

ৰাতি ১২ বজাৰ পৰা বন বিভাগক খবৰ দি আহিছিল যদিও পুৱা ৭ বজাত ঘটনাস্থলীত বন বিভাগ উপস্থিত হোৱাত ক্ষোভ প্ৰকাশ কৰিছে স্থানীয় ৰাইজে।