নিজম পৰিল বিয়াৰ ৰভা, ছেহনাইৰ মাত; বিকি -কেটৰ বিয়াৰ পৰা কি উপহাৰ লৈ উভতিল অতিথি?

ডিজিটেল ডেস্কঃ সকলো জল্পনা-কল্পনাৰ অন্ত পেলাই অৱশেষত সম্পন্ন হ’ল বিকি কৌশল আৰু কেটৰিনা কাঈফৰ বিয়া। দীৰ্ঘ প্ৰতীক্ষাৰ অন্তত বিকি-কেটে মেলিলে যুগ্মজীৱনৰ পাতনি। নকইনা কেটৰিনাই খোজ থ’ব বিকীৰ পদূলিত। নৱ বিবাহিত দম্পতীয়ে কালি নিশা বিবাহৰ ফটো আনুষ্ঠানিকভাৱে অফিচিয়েল ইনষ্টাগ্ৰাম একাউণ্টত ৰাজহুৱা কৰিছে। দুই তাৰকাৰ প’ষ্টটোৱে অনুৰাগীৰ মাজত উছাহৰ ঢল বৈছে।

অতিথি অভ্যৰ্থনাৰ বাবে যোধপুৰৰ এখন প্ৰতিষ্ঠিত দোকানৰ পৰা ৮০ কিলোগ্ৰাম ওজনৰ ১০ প্ৰকাৰৰ মিঠাইয়ো অনা হৈছিল। চাৰি মহলীয়া কেক।বিদেশীৰ পৰা আমদানি কৰা ফল। মুঠতে এক ৰাজকীয় আয়োজন৷ কেট আৰু বিকিৰ অতিথি পৰায়নে বিমুগ্ধ কৰি তুলিছে উপস্থিত অতিথিক৷

উল্লেখ্য যে, কেটৰিনা কাইফ আৰু বিকি কৌশলৰ বিয়াত নিমন্ত্ৰিত অতিথিসকলে এতিয়া বিবাহৰ গ্ৰেণ্ড পাৰ্টীত ভাগ লৈ তেওঁলোকৰ নিজ ঘৰলৈ উভতিছে। অৱশ্যে, দম্পতীয়ে অতিথিসকলক খালী হাতেৰে যেন ঘৰ যাবলৈও নিদিয়ে। কেটৰিনা আৰু বিকিয়ে তেওঁলোকৰ অতিথিসকলক এটা বিশেষ উপহাৰৰ টোপোলাৰে বিদায় দিছে৷ তেওঁলোকৰ অতিথিসকলক মিঠাইৰ টোপালাৰ সৈতে দুয়োজনৰ নাম সন্নিৱিষ্ট থকা এটা সুন্দৰ টোকাও উপহাৰ দিছে।

টোকাটোত লিখা আছিল, ‘আমাৰ বিয়াত ওচৰৰ পৰা আৰু বহু দূৰৰ পৰা ভ্ৰমণ কৰা আটাইৰে বাবে আপোনালোকক বহুত ধন্যবাদ। আমাৰ এই বিশেষ দিনটোৰ বাবে আমি বহুত সপোন দেখিছিলোঁ; আপোনালোকৰ উপস্থিতি, আপোনালোকৰ কথা, আপোনালোকৰ আলিঙ্গন - এই সকলোবোৰে আমাৰ বিশেষ দিনটো আৰু অধিক বিশেষ কৰি তুলিলে। আমি আশা কৰিছোঁ যে আপুনালোকেও আমাৰ দৰে এটা ভাল সময় অতিবাহিত কৰিব পাৰিলে। এনেকৈয়ে আমি একেলগে আৰু বহুতো উদযাপন কৰিবলৈ বাকী আছে, এইয়া আৰম্ভণিহে!"