ডিজিটেল ডেস্ক : শীতৰ সমান্তৰালকৈ বৃদ্ধি পাইছে হৃদযন্ত্ৰ সম্পৰ্কীয় সমস্যা।চিকিৎসকৰ মতে, ঠাণ্ডা বতৰত শিৰা সংকুচিত হোৱাৰ ফলত হৃদযন্ত্ৰৰ ওপৰত ইয়াৰ চাপ বৃদ্ধি এই সমস্যাৰ প্ৰধান কাৰণ। এনে সময়ত ২০ৰ পৰা ৩৫ বছৰ বয়সৰ যুৱক-যুৱতীসকলৰ মাজতো হাৰ্টএটেক আৰু অন্যান্য হৃদৰোগ সম্পৰ্কীয় সমস্যাই দেখা দিব পাৰে। হাৰ্ট ডিজিজ ইনষ্টিটিউটৰ তথ্য অনুসৰি প্ৰতিদিনে প্ৰায় ২০০জন ৰোগী হৃদৰোগ সম্পৰ্কীয় কোনো সমস্যা হোৱা নাছিল।
কিন্তু শীতকালত ঠাণ্ডাৰ প্ৰত্যক্ষ প্ৰভাৱ শৰীৰৰ স্নায়ুত পৰে। হাত-ভৰিৰ শিৰাবোৰ সৰু হৈ যায়, যাৰ ফলত হৃদযন্ত্ৰলৈ তেজৰ সোঁতত বাধাৰ সৃষ্টি হয় আৰু হৃদযন্ত্ৰৰ ওপৰত অতিৰিক্ত চাপ পৰে। হৃদৰোগ বিশেষজ্ঞসকলে কয় যে ঠাণ্ডাত ৰক্তচাপ বৃদ্ধি হোৱাৰ সম্ভাৱনা অধিক, যাৰ ফলত হাৰ্টএটেকৰ সম্ভাৱনা বৃদ্ধি পাব পাৰে। ইয়াৰ উপৰি দৈনন্দিন অনিয়মিত ৰুটিন, জাংকফুড, ধূমপান, মদ্যপান আৰু ব্যায়ামৰ অভাৱো হৃদযন্ত্ৰ সম্পৰ্কীয় সমস্যাৰ প্ৰধান কাৰণ হৈ পৰিছে।
হৃদযন্ত্ৰ সুস্থ কৰি ৰখাৰ উপায়-
* গৰম কাপোৰ পিন্ধক: শৰীৰটো সম্পূৰ্ণৰূপে ঢাকি ৰখা গৰম কাপোৰ পিন্ধক যাতে স্নায়ুৰ ওপৰত ঠাণ্ডাৰ প্ৰভাৱ নপৰে।
* সুষম আহাৰ গ্ৰহণ কৰক: ঘিউ, আলমণ্ড, আখৰোট আৰু ওমেগা-৩ ফেটি এচিডযুক্ত বস্তু খাদ্যত অন্তৰ্ভুক্ত কৰক। বেছিকৈ তেলত ভজা আৰু জাংকফুড পৰিহাৰ কৰক।
* ব্যায়াম: দৈনিক ৩০ মিনিট লঘু ব্যায়াম কৰক। ই হৃদযন্ত্ৰৰ কৰ্মক্ষমতা বৃদ্ধি আৰু ৰক্তচাপ নিয়ন্ত্ৰণত সহায় কৰে।
* মদ্যপান পৰিহাৰ কৰক: ধূমপান আৰু মদ্যপানে হৃদযন্ত্ৰৰ স্বাস্থ্যৰ ওপৰত বেয়া প্ৰভাৱ পেলায়।
* মানসিক চাপৰ পৰা আঁতৰি থাকক: মানসিক চাপে হাৰ্টএটেকৰ সম্ভাৱনা বৃদ্ধি কৰে, গতিকে যোগ আৰু ধ্যানক আপোনাৰ দৈনন্দিন জীৱনৰ অংশ হিচাপে লওঁক।
* ৰক্তচাপ নিৰীক্ষণ কৰক : শীতকালত নিয়মিতভাৱে ৰক্তচাপ আৰু কলেষ্টেৰল পৰীক্ষা কৰক।
Continue Reading
