ডিজিটেল ডেস্কঃসমগ্ৰ বিশ্বতে এতিয়া হৃদৰোগ এক ভয়ংকৰ সমস্যা হৈ পৰিছে। আপুনি জানেনে যে গোটেই সপ্তাহটোত এটা নিৰ্দিষ্ট দিন আছে, যিটো দিনত মাৰাত্মক হৃদৰোগত আক্ৰান্ত হোৱাৰ আশংকা বৃদ্ধি পায়? হয়, সপ্তাহত এনে এটা দিন আছে যিটো দিনত হৃদ ৰোগত আক্ৰান্ত হোৱাৰ আশংকা বৃদ্ধি পায়। সেই দিনটো হৈছে সোমবাৰ। এয়া কোনো জ্যোতিষীয়ে কোৱা কথা নহয়, এয়া এক বৈজ্ঞানিক গৱেষণাৰ পিছত কোৱা কথা।
এক শেহতীয়া অধ্যয়নত বিশেষজ্ঞসকলে প্ৰকাশ কৰিছে যে সপ্তাহৰ যিকোনো দিনতকৈ সোমবাৰে মানুহ গুৰুতৰ হৃদৰোগ আক্ৰান্ত হোৱাৰ সম্ভাৱনা অধিক হয়। এই অধ্যয়নটো বেলফাষ্ট হেল্থ এণ্ড চচিয়েল কেয়াৰ ট্ৰাষ্ট আৰু আয়াৰলেণ্ডৰ ৰয়েল কলেজ অফ চাৰ্জনৰ চিকিৎসকসকলে কৰিছিল আৰু মানচেষ্টাৰত কাৰ্ডিওভাস্কুলাৰ চ’ছাইটি (বিচিএছ)ৰ সন্মিলনত উপস্থাপন কৰা হৈছে ।
অধ্যয়নটোতগৱেষকসকলে কৈছে যে ৰোগীসকলৰ ক্ষেত্ৰত সপ্তাহৰ বাকী বাৰতকৈ সোমবাৰে মায়োকাৰ্ডিয়েল ইনফাৰ্কচন (ষ্টেমি) বেছিকৈ হোৱা দেখা গৈছে।লোমবাৰে হৃদৰোগত আক্ৰান্ত হোৱাৰ আশংকা ১৩ শতাংশ বৃদ্ধি পায় বুলিও তেওঁলোকে কৈছে। কিন্তু সোমবাৰে হৃদৰোগৰ আশংকা কিয় বৃদ্ধি পায় সেই বিষয়ে গৱেশকসকলে বিশেষ কোনো কাৰণ বাখ্যা কৰা নাই। তেওঁলোকে মাত্ৰ গৱেষণাৰ সময়ত সোমবাৰে অধিক হাৰত লোক হৃদৰোগত আক্ৰান্ত হোৱাৰ তথ্যহে লাভ কৰিছিল আৰু সেই কথাই পিছত প্ৰকাশ কৰিছিল। হৃদৰোগৰ আক্ৰমণ হৈছে এক গুৰুতৰ স্বাস্থ্যজনিত অৱস্থা ।
যি ধমনীবোৰত কিছু বাধাৰ সৃষ্টি কৰি হৃদযন্ত্ৰলৈ তেজৰ প্ৰবাহ ব্যাহত কৰে। এই অৱৰোধ ধমনীত কলেষ্টেৰল নামৰ চৰ্বিযুক্ত মমযুক্ত সামগ্ৰী জমা হোৱাৰ ফলত হ'ব পাৰে, যাক প্লেক বুলি কোৱা হয়। হৃদযন্ত্ৰৰ ধমনীবোৰৰ ভিতৰত প্লেক জমা হোৱাৰ প্ৰক্ৰিয়াটোক কোৱা হয় এথেৰোস্ক্লেৰোচিছ। কিন্তু হৃদৰোগৰ আক্ৰমণ কিয় হয় সেই প্ৰশ্নৰ উত্তৰ দিবলৈ বিপদাশংকাৰ কাৰকবোৰ, বা হৃদৰোগৰ আক্ৰমণত অৰিহণা যোগোৱা কাৰকবোৰো চোৱা প্ৰয়োজন।
ইয়াত অন্তৰ্ভুক্ত আছে - জীৱনশৈলীৰ অভ্যাস যেনে ধূমপান, অত্যধিক সুৰাপান কৰা, সঠিকভাৱে টোপনি নোযোৱা, নিয়মীয়াকৈ ব্যায়াম নকৰা ইত্যাদি। কলেষ্টেৰলৰ স্তৰ হঠাতে বৃদ্ধি হোৱা, উচ্চ ৰক্তচাপ ইত্যাদিয়ে হৃদযন্ত্ৰৰ স্বাস্থ্যৰ গুৰুতৰ সমস্যাত মুখ্যতঃ অৰিহণা যোগাব পাৰে। এয়া কেৱল এটা সোমবাৰেই নহয়, আপোনাৰ জীৱনশৈলীৰ অভ্যাসে আপোনাক দিনটোৰ যিকোনো সময়তে হৃদৰোগত আক্ৰান্ত হোৱাৰ আশংকা বৃদ্ধি কৰিব পাৰে। ভাৰত আৰু সমগ্ৰ বিশ্বতে হৃদৰোগ বৃদ্ধি পাইছে। এনে ৰোগত আক্ৰান্ত হোৱা লোকৰ আকস্মিক বৃদ্ধিত এটা মুখ্য অৰিহণা যোগোৱা কাৰক হ'ল বিশৃংখল জীৱনশৈলীৰ ।
Continue Reading
