ডিজিটেল ডেস্ক
দেশত এতিয়াও মাৰ যোৱা নাই চাইৰাছ মিস্ত্ৰীৰ আকস্মিক দুৰ্ঘটনাৰ চাঞ্চল্য ৷ টাটা গ্ৰুপৰ প্ৰাক্তন অধক্ষ্যজনৰ দুৰ্ঘটনাৰ তদন্তত প্ৰকাশ পাইছে যে দুৰ্ঘটনাপতিত গাড়ীখনত
টাটাৰ গ্ৰুপৰ অধ্যক্ষ আৰু আন তিনিজন লোকে ভ্ৰমণ কৰি আছিল৷ একে সময়তে সেই বিলাসী বাহনখনে যান-বাহন নিয়ম উলংঘন কৰাৰ কথাও তদন্তৰ জৰিয়তে পোহৰলৈ আহিছে।
বাহনখনৰ ট্ৰেফিক ৰেকৰ্ড অনুসৰি , উক্ত গাড়ীখনে গতি বেগকে ধৰি একাধিক যান-বাহন নিয়ম উলংঘন কৰিছিল। অৱশ্যে, এনে আইন উলংঘনৰ অপৰাধসমূহ সংঘটিত হোৱাৰ সময়ত গাড়ীচালক কোন আছিল সেইয়া এতিয়াও জানিব পৰা হোৱা নাই।
মিস্ত্ৰী আৰু জেহাংগীৰ পাণ্ডোলে চিট বেল্ট পৰিধান কৰা নাই বুলিও প্ৰতিবেদনত প্ৰকাশ পোৱাৰ পিছতে মাৰ্চিডিজৰ সুৰক্ষা বৈশিষ্ট্যৰ ওপৰতো প্ৰশ্ন উত্থাপন হৈছে।
যদিও চৰকাৰে গাড়ী নিৰ্মাতাসকলৰ বাবে ছয়টা এয়াৰবেগ স্থাপন কৰাটো বাধ্যতামূলক কৰিছে, বিশেষজ্ঞসকলৰ মতে , পিছফালৰ আসনৰ যাত্ৰীসকলকো বিদেশৰ দৰে চিট বেল্ট পিন্ধিবলৈ শিক্ষিত কৰাৰ প্ৰয়োজনীয়তা আছে৷
বিশ্ব স্বাস্থ্য সংস্থাৰ এক প্ৰতিবেদন অনুসৰি, চিটবেল্ট পিন্ধিলে চালক আৰু সন্মুখৰ আসনত থকা লোকসকলৰ মৃত্যুৰ আশংকা ৪৫-৫০ শতাংশ হ্ৰাস হয়৷ আৰু পিছফালৰ আসনত থকা লোকসকলৰ মৃত্যু আৰু গুৰুতৰ আঘাতৰ আশংকা ২৫ শতাংশ হ্ৰাস হয়।
অৱশ্যে চাইৰাছ মিস্ত্ৰীৰ মৃত্যুৰ পিছৰে পৰা ছিটবেল্ট পৰিধান কৰিবলৈ নাগৰিকক মুকলি আহ্বান জনাইছে বহু নেতাই৷
Continue Reading
