ডিজিটেল ডেস্ক: আজি বিশ্ব গঁড় দিৱস৷ আজিৰ দিনটোত মানস ৰাষ্ট্ৰীয় উদ্যানৰ কেইটামান গড়ৰ মুক্ত বিচৰণে আমোদ দিবলৈ সক্ষম হৈছে৷ প্ৰতি বছৰে ২২ ছেপ্টেম্বৰত পালন কৰা হয় বিশ্ব গঁড় দিৱস৷
২০১০ চনৰ আজিৰ দিনটোতে ডব্লিউ ডব্লিউ এফ-দক্ষিণ আফ্ৰিকাৰ দ্বাৰা বিশ্ব গঁড় দিৱস ঘোষণা কৰা হৈছিল।
আন্নামিটিচি প্ৰতিষ্ঠাপক তথা জিম্বাৱেৰ চিচাকৱে ৰেঞ্চৰ গৰাকী লিছা জেন কেম্পবেলে ২০১১ চনত অনুষ্ঠানটোৰ সৃষ্টিশীল পৰিচালক ৰিশজা কোটাৰ সৈতে মিলিত হৈ পাঁচোটা প্ৰজাতিৰ গঁড় বিলুপ্তিৰ পৰা সংৰক্ষণ বা সুৰক্ষিত কৰাৰ প্ৰয়োজনীয়তাৰ বিষয়ে সজাগতা বৃদ্ধি কৰিছিল।
বিশ্ব গঁড় দিৱস প্ৰথমবাৰৰ বাবে ২০১১ চনত পালন কৰা হৈছিল আৰু তেতিয়াৰ পৰা প্ৰতি বছৰে ইয়াক বিশ্বজুৰি পালন কৰা হৈছে। চোৰাং চিকাৰ, জলবায়ু পৰিৱৰ্তন, আৰু তেওঁলোকৰ প্ৰাকৃতিক পৰিৱেশত হোৱা বিভ্ৰান্তিৰ ফলত গঁড় বিলুপ্ত হোৱাৰ আশংকা কৰিছিল।
আজিৰ এই দিৱসৰ বাৰ্ষিক স্মৰণীয় অনুষ্ঠানটোৱে বিশ্বজুৰি গঁড়ৰ প্ৰজাতিৰ সুৰক্ষা আৰু যত্নৰ প্রয়োজনীয়তাৰ বিষয়ে সজাগতা বিয়পোৱাৰ ওপৰত গুৰুত্ব আৰোপ কৰে।
বর্তমান সময়ত তিনিটা প্ৰজাতিৰ গঁড়- কলা, জাভান আৰু সুমাত্রান গুৰুতৰভাৱে বিপদাপন্ন বুলি কোৱা হয়। সম্প্ৰতি বিশ্ব ঐতিহ্য ক্ষেত্র মানস ৰাষ্ট্ৰীয় উদ্যানত ৫০টাৰো অধিক গঁড় আছে বুলি অনুমান কৰা হৈছে।
এটা খর্গযুক্ত গঁড়ৰ সংখ্যা সম্প্রতি ৪,০৭৫টা হৈছেগৈ আৰু ইয়াৰ ৮০ শতাংশই আছে অসমৰ ব্ৰহ্মপুত্ৰ উপত্যকাত। ভাৰত আৰু নেপালে মিলি কৰা শেহতীয়া মূল্যায়ন অনুসৰি এই সংখ্যাৰ প্রায় ৮০ শতাংশই আছে অসমৰ ব্ৰহ্মপুত্ৰ উপত্যকাত। বিগত সময়ছোৱাত বিশ্বৰ এটা খৰ্গযুক্ত গঁড় সংৰক্ষণত শতবর্ষ অতিক্ৰম কৰি সমগ্ৰ বিশ্বতে অসমে ইতিহাস ৰচনা কৰিছে।
সম্প্ৰতি কাজিৰঙা ৰাষ্ট্ৰীয় উদ্যানত ২৬০০ৰো অধিক গঁড় আছে। ই বিশ্বৰ ভিতৰত এটা খর্গযুক্ত গঁড়ৰ সৰ্ববৃহৎ সংখ্যা বুলি সমীক্ষাত প্রকাশ। বিশ্বত এটা খৰ্গযুক্ত গঁড়ৰ মুঠ সংখ্যা ৪,০৭৫টালৈ বৃদ্ধি পোৱাৰ আঁৰত অসমৰ এই সংৰক্ষণ ইতিহাসৰ আছে গুৰুত্বপূৰ্ণ অৱদান। কাজিৰঙাত গঁড়ৰ সংখ্যা ১৯০০ চনৰ আৰম্ভণিৰ সময়ত ১০০টাৰো কম আছিল বুলি বিশ্বাস কৰা হৈছিল।
ভাৰতত বর্তমান আছে প্রায় ৩,৩২৩টা আৰু নেপালত আছে প্রায় ৭৫২টা এটা খর্গযুক্ত গঁড়। অসমৰ কাজিৰঙা ৰাষ্ট্ৰীয় উদ্যানতেই ২৬০০ৰো অধিক গঁড় আৰু মানাহ ৰাষ্ট্ৰীয় উদ্যানত প্রায় ৪০-৫০টা এটা খৰ্গযুক্ত গঁড়ৰ লগতে ওৰাং আৰু পবিতৰাতো গঁড় আছে।
Continue Reading
