ডিজিটেল ডেস্ক: ইউ পি আই আৰু আন বৈদ্যুতিন পদ্ধতিৰ ধনৰ লেনদেনত মাচুল আদায় ল'বলৈ কেন্দ্ৰীয় চৰকাৰে আইন সংশোধন কৰা সন্দৰ্ভত দেশজুৰি তীব্র প্রতিক্ৰিয়াৰ সৃষ্টি হৈছে। ইউ পি আইৰ জৰিয়তে ২০০০ টকাতকৈ অধিক ধনৰ লেনদেন কৰিলে 'মার্চেণ্ট ডিছকাউণ্ট ৰেট' (এম ডি আৰ) লোৱাৰ বাবে কেন্দ্ৰৰ প্ৰস্তাৱ সন্দৰ্ভত বিতৰ্কৰ সৃষ্টি হোৱাৰ সময়তে মুখ খুলিছে কেন্দ্রীয় বিত্ত মন্ত্রী নির্মলা সীতাৰমণে।
কেন্দ্ৰীয় মন্ত্ৰীগৰাকীয়ে শুকুৰবাৰে 'এক্স'যোগে প্রকাশ কৰে যে ইউ পি আই লেনদেনৰ ক্ষেত্ৰত গ্ৰাহকৰ পৰা কোনোধৰণৰ মাচুল লোৱা নহ'ব। ইউ পি আই ব্যৱহাৰকাৰীসকলে চিন্তা কৰাৰ কোনো কাৰণ নাই। মার্চেণ্ট ডিছকাউণ্ট ৰেট কেৱল ব্যৱসায়ীসকলৰ ক্ষেত্ৰতহে প্রযোজ্য হ'ব। ইউ পি আই লেনদেনত এম ডি আৰ লোৱাৰ আঁচনি নাই বুলিও তেওঁ কয়।
ইফালে ৰিজার্ভ বেংক অব্ ইণ্ডিয়াৰ গৱৰ্নৰ সঞ্জয় মালহোত্রাই প্রকাশ কৰিছে যে প্ৰস্তাৱিত সালসলনিসমূহে কিদৰে কাম কৰিব, সেয়া এতিয়াই কোৱাটো টান হ'ব। উৎস : দৈনিক জনমভূমি
Continue Reading
