ডিজিটেল ডেস্কঃ ১৫ৰ পৰা ২৯ বছৰৰ ভিতৰৰ প্ৰতি তিনিজন ভাৰতীয় যুৱকৰ ভিতৰত প্ৰায় এজনে শিক্ষা, কৰ্মসংস্থাপন, প্ৰশিক্ষণৰ কোনো এটাতে নিয়োজিত নহয়, আৰু কেৱল মহিলাৰ ক্ষেত্ৰত এই সংখ্যা আৰু বেছি বেয়া বুলি শেহতীয়া মাল্টিপল ইনডিকেটৰ চাৰ্ভে (এম আই এছ)ৰ প্ৰতিবেদনত প্ৰকাশ পাইছে, চলিত মাহৰ আৰম্ভণিতে প্ৰকাশ কৰা চৰকাৰৰ ৰাষ্ট্ৰীয় নমুনা জৰীপ কাৰ্যালয়ে (এন এছ এছ অ’) প্ৰকাশ কৰিছে যে ২০২১ চনত ২.৭৬ লাখ পৰিয়ালৰ ওপৰত কৰা এই সমীক্ষাৰ মূল উদ্দেশ্য হৈছে ৰাষ্ট্ৰসংঘৰ বহনক্ষম উন্নয়ন লক্ষ্যৰ ৰাষ্ট্ৰীয় সূচকৰ তথ্য সংগ্ৰহ কৰা, যিটো লিংগ বৈষম্য, দৰিদ্ৰতা, শিক্ষাকে ধৰি বিভিন্ন বিশ্বজনীন সমস্যাৰ সমাধানৰ বাবে ১৭টা লক্ষ্যৰ গোট৷
শিক্ষা, নিয়োগ বা প্ৰশিক্ষণত নথকা যুৱক-যুৱতীসকলৰ বাবে ভাৰতৰ সংখ্যাই ৰাষ্ট্ৰসংঘই উল্লেখ কৰা বিশ্বব্যাপী গড়ৰ সৈতে এক তীব্ৰ বিপৰীত প্ৰকাশ কৰিছে, যিটো মাত্ৰ ২২ শতাংশ।কিন্তু ভাৰতৰ সংখ্যাৰ বিষয়ে হয়তো আটাইতকৈ উল্লেখযোগ্য কথাটো হ’ল লিংগৰ ব্যৱধান৷ ১৫ৰ পৰা ২৯ বছৰৰ ভিতৰৰ যুৱক-যুৱতীসকলৰ মাত্ৰ ১৫.৪ শতাংশইহে শিক্ষা,কৰ্মসংস্থাপন,প্ৰশিক্ষণ কোনো এটাতে জড়িত নহয় আনহাতে এইক্ষেত্ৰত যুৱতীসকলৰ সংখ্যা ৫১.৭ শতাংশ।
নেশ্যনেল ইনষ্টিটিউট অৱ পাব্লিক ফাইনেন্স এণ্ড পলিচিৰ অধ্যাপিকা অৰ্থনীতিবিদ তথা লেখিকা লেখা চক্ৰৱৰ্তীয়ে কয় যে শিক্ষা,নিয়োগ বা প্ৰশিক্ষণ নথকা অনুমানত লিংগভিত্তিক তিৰ্যকতাক লৈ তেওঁ “আচৰিত হোৱা নাই”।
লিংগ আৰু সামষ্টিক অৰ্থনীতিৰ বিশেষজ্ঞ চক্ৰৱৰ্তীয়ে ব্যাখ্যা কৰে যে, “আমি নীতি নিৰ্ধাৰকসকলে পৰ্যবেক্ষণ কৰা মতে, যত্ন অৰ্থনীতিৰ বোজাই মহিলাসকলক কৰ্মশক্তিত প্ৰৱেশ কৰাত বাধা দিয়ে, যাৰ বাবে এই সংখ্যাসমূহত মহিলাসকলৰ অতিৰিক্ত প্ৰতিনিধিত্বৰ প্ৰৱণতা থাকে।”আন এটা কাৰণ, তেওঁ লগতে কয়, ভাৰতৰ বহু পৰিয়ালে বিবাহক কৰ্মসংস্থাপনৰ পৰিৱৰ্তে মহিলাৰ “অৰ্থনৈতিক ভৱিষ্যত” হিচাপেহে লয়।
এই সামাজিক আৰু সাংস্কৃতিক কাৰকসমূহৰ ভিতৰত অন্যতম কাৰণ ভাৰতে নিজৰ তথাকথিত ‘জনগাঁথনিগত লভ্যাংশ’ৰ লাভ উঠাবলৈ সংগ্ৰাম কৰিব পাৰে, যিটো দেশ এখনত কৰ্মবয়সীয়া জনসংখ্যা অধিক হ’লে ঘটে বুলি কোৱা হয়।
উল্লেখযোগ্য যে, ২০২১ চনৰ তথ্য অনুসৰি ভাৰতৰ জনসংখ্যাৰ এক চতুৰ্থাংশতকৈও অধিক ১৫-২৯ বয়সৰ লোক।
Continue Reading
