ডিজিটেল ডেস্কঃ আপুনিও হয়তো কেতিয়াবা বিনোদনৰ বাবে চিনেমা উপভোগ কৰে ৷ কেতিয়াবা কোনোবা এটা দৃশ্যই হয়তো আপোনাক আবেগিক কৰি তুলে ৷ বৰ্তমান বহুলোক নিসংগতাৰ বলি হৈ পৰিছে। ফ্ল’ৰিডা ষ্টেট ইউনিভাৰ্চিটিত কৰা এক গৱেষণাৰ মতে চিনেমা চাই কান্দি দিয়া লোকসকলৰ মৃত্যুৰ সম্ভাৱনাও আন মানুহতকৈ ১০ শতাংশ বেছি।
উল্লেখ্য যে এই অধ্যয়ন ৫৪ বছৰৰ অনুৰ্দ্ধৰ লোকৰ ওপৰত কৰা হয়। ইউ কে বায়’ বেংকত সংগ্ৰহ কৰা ৫ লাখ লোকৰ তথ্যৰ ভিত্তিত ১৭ বছৰ ধৰি এই গৱেষণাত অংশগ্ৰহণ কৰা লোকসকলক অন্তৰ্ভুক্ত কৰা হৈছিল। প্ৰথমতে এই গৱেষণাত অকাল মৃত্যু আৰু নিউৰ’টিচিজমৰ অনুসন্ধান কৰা হয়।
গৱেষক এণ্টনিঅ’ টেৰাচিয়ানোৰ মতে, মানুহে প্ৰায়ে নিসংগতাৰ সমস্যাৰ সৈতে যুঁজিবলগীয়া হয়। এইবোৰ নিউৰ’টিক লক্ষণ হ’ব পাৰে। গৱেষণাৰ মতে, যিসকল লোকে অকলশৰীয়া বুলি চিন্তিত, তেওঁলোকৰ অকাল মৃত্যু হয়। লগতে তেওঁলোকৰ মৃত্যুৰ আশংকাও অতি বেছি ।
ভয় আৰু দুখৰ দৰে লক্ষণবোৰক প্ৰায়ে ইয়াৰ প্ৰাৰম্ভিক লক্ষণ হিচাপে দেখা যায়। নিসংগতাই অকাল মৃত্যুৰ সম্ভাৱনা বৃদ্ধি কৰে বুলি গৱেষকসকলে বিচাৰি উলিয়াইছে ৷ কেৱল এয়াই নহয়, ই পাচনতন্ত্ৰতো যথেষ্ট প্ৰভাৱ পেলায়।
গৱেষণাৰ সময়ত মৃত্যু হোৱা লোকৰ সংখ্যা ৪৩ হাজাৰ হোৱাৰ বিপৰীতে আত্মহত্যা কৰাসকলে অপৰাধবোধ, উত্তেজনা আৰু মানসিক চাপৰ বাবে আত্মহত্যা কৰে। গৱেষণাৰ পৰা এইটোও প্ৰকাশ পাইছে যে মনত অবিৰত নেতিবাচক চিন্তাধাৰাই বহু ৰোগৰ কাৰণ হ’ব পাৰে।
Continue Reading
