লামডিঙত চাঞ্চল্য! প্ৰেমজনিত কাৰণত বিষাক্ত দ্ৰব্য সেৱন দশম শ্ৰেণীৰ ছাত্ৰীৰ, হাস্পতালত ভৰ্তি

ডিজিটেল ডেস্ক: লামডিঙত এগৰাকী দশম শ্ৰেণীৰ ছাত্ৰীয়ে বিষাক্ত দ্ৰব্য সেৱন কৰি চৰম পদক্ষেপ লোৱাৰ চেষ্টা কৰাৰ ঘটনাই চাঞ্চল্যৰ সৃষ্টি কৰিছে। বৰ্তমান উন্নত চিকিৎসাৰ বাবে ছাত্ৰীগৰাকীক ডিফু মেডিকেল কলেজলৈ প্ৰেৰণ কৰা হৈছে। নিশাৰ ভাগত পৰিয়ালৰ লোকে অসুস্থ অৱস্থাত ছাত্ৰীগৰাকীক লামডিঙৰ শ্যামা প্ৰসাদ মুখাৰ্জী চিকিৎসালয়লৈ লৈ আহে যদিও প্ৰাথমিক চিকিৎসাৰ পিছত চিকিৎসকে উন্নত চিকিৎসাৰ বাবে ছাত্ৰীগৰাকীক ডিফু মেডিকেল কলেজলৈ প্ৰেৰণ কৰে। ছাত্ৰীগৰাকীৰ স্বাস্থ্য সংকটমুক্ত নহয়।

ছাত্ৰীগৰাকীৰ মাতৃৰ বক্তব্য অনুসৰি, ছাত্ৰীগৰাকীয়ে এজন মুছলমান যুৱকৰ সৈতে নিয়মীয়াকৈ ভিডিঅ' কলত কথা পাতিছিল আৰু যুৱকজনলৈ বিয়া হ'ব বিচাৰিছিল। ঘটনাটো সংঘটিত হোৱাৰ দিনাও মাতৃয়ে নিজ কন্যাক যুৱকজনৰ সৈতে ভিডিঅ' কলত কথা পাতি থকা দেখি গালি পাৰিছিল আৰু খঙতে এটা চৰ মাৰিছিল, তাৰপাছতেই ছাত্ৰীগৰাকীয়ে নিজ জীৱন শেষ কৰি দিয়াৰ সিদ্ধান্ত লয়। 

ছাত্ৰীগৰাকীৰ এনে পদক্ষেপৰ প্ৰকৃত কাৰণ তদন্তৰ পাছতহে স্পষ্ট হ'ব।